Eskola Bideak proiektua Getxon hasiko da berriro, energia berrituarekin. Ikasturte honetan abian dira lehen hezkuntza duten udalerriko 13 ikastetxeetako ikasleentzako bide-hezkuntzako jardunaldiak.
Iazko iradokizunak entzun ondoren, saioak egokitu egin dira, praktikoagoak eta dinamikoagoak izan daitezen. Asmoa da haurrek zuzenean eta modu dibertigarrian ikastea beren ingurunean segurtasunez nola mugitu: behatuz, probatuz eta esperimentatuz.
Eta hau hasiera besterik ez da. Ikasturtean zehar proposamen gehiago batuko dira eskola-bide horiei bizitasuna ematen jarraitzeko: hitzaldi informatiboak, esperientzia-erronka txikiak, oinezko irteera berriak… udalerria beste ikuspegi batetik ezagutzeko eta mugikortasun-ohitura seguruagoak eta osasungarriagoak sustatzeko jarduerak.
Eskola Bideak berriro dator ikasleei, familiei eta ikastetxeei laguntzeko proiektu batean, egunero eskolara egiten diren joan-etorriak atseginagoak, seguruagoak eta iraunkorragoak izan daitezen.
