EKINTZA AUTOGIDATUAK: ALTXORRAREN BILA

“Altxorraren bila” familiei, lagun taldeei eta publiko orokorrari zuzendutako jarduera da. Parte hartzen duen talde bakoitzak koordenatu batzuk dituen mapa bat jasoko du, Bolueko hezeguneko puntu enblematikoei dagozkienak. Azpiegiturak, eraikinak edo beste elementu batzuk izan daitezke, adierazgarriagoak edo ez hain adierazgarriak.

Koordenatuak Google Maps-en sartuta (Interneterako konexioa duen gailu mugikor bat behar da), GPSak hezeguneko “altxor” bakoitzera eramango gaitu.

Bertan, inguruan dauzkagun elementuak  apuntatu beharko ditugu, edo argazkiak atera, koordenatu bakoitza zein elementuri dagokion gogoratzeko; izan ere, jardueraren amaieran (koordenatu guztiak aurkitu direnean), koordenatu bakoitza dagokion elementuarekin erlazionatzeko joko sinple bat proposatuko zaizue.

Beharrezko material guztiak Ingurumen Aretotik  bidaliko dira, aldez aurretik izena emanda (688883596 telefonoan ere).